PROACTIVE LAW ENFORCEMENT FOR SAFE COMMUNITY JICHO LETU USALAMA BARABARANI
JICHO LETU USALAMA BARABARANI
Usalama barabarani umesimama kwenye nguzo kuu tatu ambazo ni:-
  1. Ubora na uzima wa barabara (Engenering)
  2. Usimamizi wa sheria za barabara (Enforcement)
  3. Elimu ya usalama barabarani (Education)
Sisi kama PESACO tumejikita kwenye nguzo moja ya elimu ya usalama barabarani, na katika utoaji wa elimu tunalenga mambo makuu matatu(3) ambayo ni:-
  1. Kukuza maarifa na uelewa wa sheria za barararani na mazingira yake
  2. Kuongeza ujuzi kupitia mafunzo na uzoefu
  • Kuimarisha na kusisitiza mitazamo chanya wakati wa kutafsiri mazingira hatarishi barabarani, kujilinda binafsi na kuwalinda watumiaji wengine wa barabara
Katika kufanikisha malengo hayo ya utoaji wa elimu ya usalama barabarani, PESACO tumedhamiria kutoa elimu hii kwa watumiaji wote sita wa barabara, amabo ni, watembea kwa miguu, madereva, abiria, wapanda baiskeli, wapanda pikipiki na wasukuma mikokoteni. Majukumu yetu tunayatimiza kwa kuonana na wahusika ana kwa ana na kwa kutumia vitabu, vipeperushi, nakala na matangazo mbalimbali. Njia tunazotumia PESACO kutoa elimu ni:-
  1. Kufika kwenye shule za msingi na sekondari kwa lengo la kuwapa wanafunzi na walimu elimu, ujuzi na maarifa ya usalama barabarani.
  2. Kufika kwenye vituo vya bodaboda na bajaji na kutoa elimu ya usalama barabarani
  3. Kufika kwenye vituo vya mabasi na daladala kwa lengo la kutoa elimu kwa abiria pamoja na madereva
  4. Kufika ofisi za serikari na binafsi kwa lengo la kutoa vitabu, nakala na vipeperushi vya usalama barabarani
  5. Kuandaa mabonanza ya michezo kwa madereva wa bajaji na bodaboda kwa lengo la kuhimiza ushirikiano na umoja kati yao wenyewe na jamii inayowazunguka hasa kwenye swala la usalama barabarani
  6. Kuandaa, vitabu, nakala na vipeperushi vya usalama barabarani
  7. Kutumia mitandao ya kijamii na vyombo vya habari
Kutumia tovuti ya PESACO  kutoa machapisho ya usalama barabari ikiwemo na tafiti za usalama barabarani.

Leave a Reply

Your email address will not be published. Required fields are marked *